मया के रंग MAYA KE RANG LYRICS छत्तीसगढ़ी होली गीत

• गीत – मया के रंग
• स्वर – दुकालू यादव
• गीतकार – दुकालू यादव
• संगीतकार – दुकालू यादव
• लेबल – अभिषेक मूविज वर्ड

स्थायी

तोला मांगत हंव मया गोरी वो

मया बिना तन हा खुवार हे

मया बिना तन हा खुवार हे खुवार हे

मया बिना तन हा खुवार हे

ए रंग डारत हंव तोला गोरी वो

रंगे बिना जिनगी बेकार हे

अंतरा 1

मया का होथे रानी तैं नई जाने वो

तैं नई जाने

मया करईया ला नई पहिचाने वो 

नई पहिचाने

नई पहिचाने रानी नई पहिचाने वो

नई पहिचाने

मैं बतावत हंव सुन गोरी वो

मया बिना चले ना संसार हे

अंतरा 2

मया के छाता म मोला ओढ़ा ले वो

मोला ओढ़ाले

मया के अचरा म मोला सपटा ले वो

मोला सपटा ले

मोला सपटा ले रानी मोला सपटा ले वो

मोला सपटा ले

मैं मनावत हंव तोला गोरी वो

मया तो जीव के आधार हे

अंतरा 3

मया के तिहार गोरी रंग ले रंगाले वो

रंग ले रंगाले

मया के गुलाल गोरी मोला लगाले वो

मोला लगाले

ये मोला लगाले गोरी मोला लगाले वो

मोला लगाले

गीत सुनावत हंव तोला गोरी वो

मया के फागुन तिहार हे

मया बिन तन हा खुवार हे खुवार हे

मया बिन तन हा खुवार हे

ये रंग डारत हंव तोला गोरी वो

रंगे बिन जिनगी बेकार हे

ये रंग डारत हंव तोला गोरी वो

रंगे बिन जिनगी बेकार हे