🌹तोर दया होतिस त दाई 🌹
🌿 TOR DAYA HOTIS TA DAI LYRICS 🌿
🌺 JAS GEET LYRICS🌺
- गीत – तोर दया होतिस त दाई
- स्वर – कांतिकार्तिक यादव
- गीतकार – परमानंद कठोलिया
- संगीत – ओपी देवांगन
- लेबल – कोक क्रिएशन
स्थायी
तोर दया होतिस त दाई
जिभिया म कलसा सजातेंव
तोर दया होतिस त दाई
जिभिया म कलसा सजातेंव
दुई नैना के बाती म
दुई नैना के बाती म
आँसू म ज्योत जलातेंव
अंतरा 1
किरपा करत किरपालु माता छाती म बोतेंव जंवारा
गंगा जल पानी के बदला चरण म अंसूवन धारा
किरपा करत किरपालु माता छाती म बोतेंव जंवारा
गंगा जल पानी के बदला चरण म अंसूवन धारा
तोर देवव तन ला मा
तोर देवव तन ला मा
नवदिन मैं भेंट चघातेंव
अंतरा 2
संझा बिहनिया रोम रोम हा तोरेच गुण ला गातिस
हाय रे अभागा कंचन काया नाव तोरे गोहरातिस
संझा बिहनिया रोम रोम हा तोरेच गुण ला गातिस
हाय रे अभागा कंचन काया नाव तोरे गोहरातिस
आशा अउ विश्वासा के
आशा अउ विश्वासा के
मैं हा अलख जगातेंव
अंतरा 3
तोर माया के सगरी म दाई सरवन मैं नहातेंव
माटी के हत्थी माटी के घोड़ा तोर भुवन म रेंगातेंव
तोर माया के सगरी म दाई सरवन मैं नहातेंव
माटी के हत्थी माटी के घोड़ा तोर भुवन म रेंगातेंव
आंगा सांगा पंच माड़िया
आंगा सांगा पंच माड़िया
बाना म देवता नचातेंव
अंतरा 4
अतकी हावै बिनती माता अतकी हावै अरजी माँ
ये काया तोर लागा छुटतिस बाकी तोर मरजी माँ
अतकी हावै बिनती माता अतकी हावै अरजी माँ
ये काया तोर लागा छुटतिस बाकी तोर मरजी माँ
कांतिकार्तिक कहिथे न
परमानंद कठोलिया ला
तोर धरम ध्वजा फहिरातेंव
दुई नैना के बाती म
दुई नैना के बाती म
आँसू म ज्योत जलातेंव