संउहे बिराजे खैरा गांव म – कांतिकार्तिक यादव | SANUHE BIRAJE KHAIRA GAAV MA LYRICS | NEW JAS GEET 2023

• गीत – संउहे बिराजे खैरा गांव म
• स्वर – कांतिकार्तिक यादव
• गीतकार – मिनेश साहू
• संगीत – ओपी देवांगन
• प्रकार – छत्तीसगढ़ी जस गीत
• लेबल – कोक क्रिएशन

बोला नर्मदा मैया की 

जय

स्थायी

तैं कईसे गंगा रूप में ओ दाई 

सउहे बिराजे खैरा गांव म

तैं कईसे गंगा रूप में ओ दाई 

सउहे बिराजे खैरा गांव म

भोरहा होग खैरागढ़ के खैरा खैरा नाव म

भोरहा होग खैरागढ़ के खैरा खैरा नाव म

नर्मदा दाई आगे आशीष धर के

अंतरा 1

एक सतजुग ले सुनेन गुनेन हावै सिरतोन बानी

सउहत लाईस भागी रथी हा भुईया म गंगा रानी

ईही कलजुग के गोठ कहत हंव नोहे कथा कहानी 

रोखड़ स्वामी खैरागढ़ के रिहिन अगम जानी

परब परब जाए दाई के दरस बर 

परब परब जाए दाई के दरस बर 

अमर कंटक के सुग्घर ठांव म

अंतरा 2

खैरागढ़ बड़ दूरिहा ले आथौ बिनती करिस हे ज्ञानी

मोर ठिहा ठंउर नान्हे अंश म आजा तैं महारानी

भगति म अईसे बुड़गे जईसे दूध म मिलगे पानी

अंतस म ओखर बिराजे भोला अवघड़ दानी

दूनो हाथ ले करे गोहारे पान फूल दाई ला जोहारे

दूनो हाथ ले करे गोहारे पान फूल दाई ला जोहारे

माथ नवावै ओ हा पांव म 

अंतरा 3

मन हा टघलगे भगत के भगति म निकलगे नर्मदा मईया

नहकिस गंडई पहूंचिस खैरा गांव के पबरित भुईया

बेरा रिहिस मुधरहा पहट के पहट निकाले पहटिया 

गंगा गोदावरी नर्मदा नाम के पहट में राहै गईया 

पहट ले हट के नर्मदा गईया भागे दूरिहा

पहट ले हट के नर्मदा गईया भागे दूरिहा

हांक ला पारे पहटिया हियाव म

अंतरा 4

हांक पारै नर्मदा रे गईया कहां जाबे ते ऐति हईया

कईसे जानिस मोर नाम अचरित हे नर्मदा मईया

रद्दा रेंगईया पुछिस पहटिया ले कोन गांव ए भईया

नाव बताईस खैरा गांव ए सुन लिस नर्मदा मईया

ठउर आगेंव कहिके बिराजिस माटी के भाग हा जागिस

ठउर आगेंव कहिके बिराजिस माटी के भाग हा जागिस

उही पबरित भुईया के ठांव म

अंतरा 5

बच्छर बच्छर चईत कुंवार म ज्योत जलाथे भगत मन

मांघी पुन्नी के तीन दिन मेला नर्मदा कुंड के दर्शन

जिनगी जोरे उही गंगा म सर्बस करथे अर्पन

दुख हरणी दाई दुख ला हर के देथे सुख अउ अन्न धन

पुरखा ले गोठ ला सुन के मिनेश बताए

कांतिकार्तिक हा सुग्घर जस म सुनाए

भगत गोहारै तोला इही भाव म

भोरहा होग खैरागढ़ के खैरा खैरा नाव म

भोरहा होग खैरागढ़ के खैरा खैरा नाव म

नर्मदा दाई आगे आशीष धर के