तोला मार के मै हा गिराहूं रे Tola Mar Ke Mai Ha Girahu Lyrics – Dukalu Yadav Jas Geet | पुराना जस गीत लिरिक्स

तोला मार के मै हा गिराहूं रे मैं वो दुर्गा अंव  

Tola Mar Ke Mai Ha Girahu Lyrics 

  • गीत : तोला मार के मै हा गिराहूं
  • गायक : दुकालू यादव
  • गीतकार : हर्ष कुमार बिन्दु
  • संगीतकार : दुकालू यादव

 

 

स्थायी
तोला मार के मैं हा गिराहूं रे मैं वो दुर्गा अंव
मैं वो दुर्गा अंव
तोला मार के मैं हा गिराहूं रे मैं वो दुर्गा अंव
मैं वो दुर्गा अंव
ये लहू लहू मे ये लहू लहू मे 
लहू लहू मे ये लहू लहू मे 
लहू लहू मे तोला नहवाहूं रे मैं वो दुर्गा अंव
मैं वो दुर्गा अंव
 
अंतरा 1
वर ला पा के तै महिसासुर करे बर अत्याचारी रे
यहो रीसी मुनी अउ देवता मन ला कलपाये हस भारे रे
यहो बेद पुरान ला नाश करे हस जीते जगत ला सारी रे
यहो अबड़ सताये हावस सब ला जिनगी नरक ले कारी रे
ये तोला भुईया मा ये तोला भुईया मा
तोला भुईया मा ये तोला भुईया मा
तोला भुईया मा जियत गढ़ाहूं रे मै वो दुर्गा अंव
मै वो दुर्गा अंव
 
अंतरा 2
जादा अतलंग झन कर महिसा मान ले तै मोर कहना रे
यहो पाप के गघरी भरगे हावै तोर बधे हावै तोर मरना रे
यहो नई चलही तोर माया मायावी कतको कर तै रचना रे
यहो कोनो बचा नई पाही तोला झन कर बिरथा गरजना रे
तोर नामो ला ये तोर नामो ला 
तोर नामो ला ये तोर नामो ला 
तोर नामो निशान मिटाहूं रे मै वो दुर्गा अंव
मै वो दुर्गा अंव
 
अंतरा 3
यहो खांव खांव मोर जोगनी करत हे सेना ला तोर खाही रे
यहो गट गट लहू ला पीही सब के गाड़ा सही मताही रे
यहो बड़ भारी तोर ये सेना हा एके छिन मा सिराही रे
यहो मोर तीर तै पहूंच नई पाबे झन कर ज्यादा उताही रे
तोर मुड़ी ला ये तोर मुड़ी ला
तोर मुड़ी ला ये तोर मुड़ी ला
तोर मुड़ी ला काट ले जाहूं रे मै वो दुर्गा अंव
मै वो दुर्गा अंव
 
अंतरा 4
मैं चंडी अंव मैं काली अंव मोर शक्ति बड़ भारी रे
यहो तै का पुरबे मोर ले बैरी मरे के अब तोर बारी रे
यहो नई संभलन तै पाबे रण मा मोर खड़ग भयंकारी रे
यहो तोर मरना ला सुन के कोसरिया नाचही देदे ताली
ये बिन्दु ला ये बिन्दु ला 
ये बिन्दु ला ये बिन्दु ला 
ये बिन्दु ला पार लगाहूं रे मै वो दुर्गा अंव
मै वो दुर्गा अंव

Related posts:

Leave a comment

x
error: Content is protected !!