शीतल शीतला SHITAL SHITLA LYRICS – AMAN BAGHEL

• गीत – शीतल शीतला
• स्वर – अमन बघेल
• गीतकार – धनंजय सारथी
• संगीत – अमर सेन्द्रे, शेखर बघेल
• प्रकार – छत्तीसगढ़ी जस गीत
• श्री गणराज सतसंग कल्लूदास जस भजन मंडल आमापारा रायपुर छ.ग.
• 9993871102

स्थायी

शीतला शीतला मईया हो

शीतला शीतला मईया हो

मैया हो

शीतला शीतला मईया हो

शीतला शीतला मईया हो

शीतल शीतला शीतल शीतला हो

शक्ति स्वरूपा भवानी

शीतल शीतला शीतल शीतला हो

शक्ति स्वरूपा भवानी

नीम डारा के चंवर डोला के

हरदिया नुंद के गोंदा मढ़ा के

हो नीम डारा के चंवर डोला के

तेल हरदिया नुंद के गोंदा मढ़ा के हो

शीतला पहूंचौनी सबो आए

ए माता देवाला

शीतला पहूंचौनी सबो आए

शीतल शीतला शीतल शीतला हो

शक्ति स्वरूपा भवानी

अंतरा 1

आरती थारी साज लौ दाई के 

मुच मुच कर लौ सिंगारी हो माँ

भोला के मिरदंग झांझ मंदिरा 

बाजही आरी पारी हो माँ

पान फूल गठियारी दूबी ला 

संग म राखौ संघारी हो माँ

चंवर डोलाबो माते सिरी के 

धर के नीम के डारी हो माँ

सुध हे लागे बहिनी हे आगे

हो करे वो संवागे मया हा गढ़ागे

सुध हे लागे बहिनी हे आगे

हो करे वो संवागे मया हा गढ़ागे हो

सातो बहिनी हा जुरियाए

ए माता देवाला

सातो बहिनी हा जुरियाए

शीतल शीतला शीतल शीतला हो

शक्ति स्वरूपा भवानी

अंतरा 2

जबका शक्ति ओतके भक्ति के 

कर लौ सबो तियारी हो माँ

बईइे हे सउहे ओ जगजननी

शीतला वो महतारी हो माँ

भाव परखथे ओ हर मन के 

करथे दाई चिन्हारी हो माँ

मातेश्वरी हे तईहा जुग ले

हमर किन्ता दुखियारी हो माँ

देथे जनम ला धरमी धरम ला

नाशे अधर्म ला गुण के मरम ला

हो देथे जनम ला धरमी धरम ला

नाशे अधर्म ला गुण के मरम ला हो

करम करनी ला वो फरिहाए

ये माता देवाला

करम करनी ला वो फरिहाए

शीतल शीतला शीतला शीतला हो

शक्ति स्वरूपा भवानी

अंतरा 3

तोर किरपा ले आषाढ़ के महिना 

खेती करे संसारी हो माँ

होथे जोताई खेत बोवाई 

फूले रथे फूलवारी हो माँ

अन्नपूर्णा दाई तोर किरपा ले 

सुखी रथे परिवारे हो माँ

गांव शहर मा तोर जुड़वासा 

करथे सबो नर नारी हो माँ

शीतला जुड़ौनी करथे किसानी

हो माता पहूचौनी प्रेम सुजानी

हो शीतला जुड़ौनी करथे किसानी

माता पहूचौनी प्रेम सुजानी हो

धनंजय सुमरनी तोर गाए

ए माता देवाला

धनंजय सुमरनी तोर गाए

शीतल शीतला शीतला शीतला हो

शक्ति स्वरूपा भवानी

शीतल शीतला शीतला शीतला हो

शक्ति स्वरूपा भवानी

शीतल शीतला शीतला शीतला हो

शक्ति स्वरूपा भवानी