परदेशी परदेशी Pardesi Pardesi CG Song Lyrics – Champa Nishad, Sunil Soni

परदेशी परदेशी

Pardesi Pardesi CG Song Lyrics

Champa Nishad, Sunil Soni

• गीत – परदेशी परदेशी
• स्वर – चंपा निषाद, सुनील सोनी
• गीतकार – पुरूषोत्तम चौहान
• संगीत – सूरज महानंद
• प्रकार – छत्तीसगढ़ी गीत
• लेबल – हरगोविंद कोसले

हो परदेसी परदेसी
परदेसी हो हो हो
उमर सतरा मोर परा गे
उमर होगे अठरा
कब लेजाबे तैं बिहा के
ओढ़ा के अचरा

स्थायी
जनवरी म ग उमर अठरा होगे
कहां हावस राजा अरे आ आ
फरवरी में म गा मन खोजै तोला
मोला बिहा के तैं लेग जा जा

तोर मया म दिल दिवाना
मन होगे रसिया
तोर मया म दिल के रानी
लटपट कटे रतिहा
तोला ले जाहूं संग म मैं तोर पिया
तोला ले जाहूं संग म मैं परदेसिया

जनवरी म ग उमर अठरा होगे
कहां हावस राजा अरे आ आ
पागल हो जाहूं रे गोरी तोर मया म
अतका मया तैं झन बरसा सा सा

अंतरा 1
पतझड़ आगे मउहा झरे
आमा मउरे मन बउराए
ये मोर पिया धड़के जिया
करेजा भितरी समाए

हां सोना ले बढ़ के हीरा ले बढ़ के
कीमती गोरी तोरे मया हे
छाती तरी मोर दिल के भितरी
हमर मया के कुरिया हे

मार्च अप्रेल निकल गे मई जून बित गे
परदेसी राजा मोर दिल टूट गे
मार्च अप्रेल निकल गे मई जून बित गे
परदेसी राजा मोर दिल टूट गे

अउ कुछ दिन समय दे रे मोर पिया
तोला ले जाहूं संग म मैं तोरे पिया
तोला ले जाहूं संग म मैं परदेसिया

अंतरा 2
सेम्हर फूल गे नींदिया खुल गे
चंदा रूक गे चलते चलते
मया के संग बहे पवन मोर बर
तोर मया नई झलके

सातो जनम के किरिया हे
ओ तोला बनाहूं मैं हा रानी
मया के गहना म तोला
हकिकत म एक दिन सजाहूं

जुलाई अगस्त भाग गे
सितम्बर भी निकलगे
मोला चाही रे हिसाब
टूरा पल पल के

जुलाई अगस्त भाग गे
सितम्बर भी निकलगे
मोला चाही रे हिसाब
टूरा पल पल के

होही अक्टूबर छोड़ नवम्बर म बिहाव
तोला ले जाहूं संग म मैं तोरे पिया
तोला ले आहूं संग म मैं परदेसिया

जनवरी म ग उमर अठरा होगे
कहां हावस राजा अरे आ आ

तोर मया म दिल दिवाना
मन होगे रसिया
तोर मया म दिल के रानी
लटपट कटे रतिहा
तोला ले जाहूं संग म मैं तोर पिया
तोला ले आहूं संग म मैं परदेसिया

पागल हो जाहूं रे गोरी तोर मया म
अतका मया तैं झन बरसा सा सा