पैजनिया दाई के – दुकालू यादव | PAIJANIYA DAI KE LYRICS | DUKALU YADAV JAS GEET

💕 पैजनिया दाई के 💕
🌹 PAIJANIYA DAI KE LYRICS🌹
🎵 DUKALU YADAV JAS GEET 🎵

• गीत – पैजनिया दाई के
• स्वर – दुकालू यादव
• गीतकार – सियाराम विश्वकर्मा
• संगीत – कमलेश निषाद
• प्रकार – छत्तीसगढ़ी जस गीत
• लेबल – नटराज म्यूजिक महासमुन्द

स्थायी
ए रूनझून रूनझून रूनझून बाजे
पैजनिया दाई के
ए रूनझून रूनझून रूनझून बाजे
पैजनिया दाई के

संग म झर झर झरना झरत हे
संग म झर झर झरना झरत हे
अंगना म मांजत माई के
ए रूनझून रूनझून रूनझून बाजे
पैजनिया दाई के

अंतरा 1
हुम धूप म तोर भुवन म महर महर ममहावत हे
तोरण पताका सजे हे दाई जगर बगर वो लागत हे
झांझ मंजिरा मांदर मिरदंग जस पचरा हा सुनावत हे
तोर दुवारी म मोर महतारी दरस करे बर आवत हे
हलवा पूरी के भोल लगा के
हलवा पूरी के भोल लगा के
कोनो हा मेवा मिठाई के

अंतरा 2
डोंगरी पहारी जंगल झारी ले चिरई चिरगुन चहकत हे
आनी बानी के लगे फूलवारी गोंदा चमेली महकत हे
बघवा भालू तोर संगवारी करत हावै रखवारी वो
शंकर भोला ध्यान लगाए बईठे हे तोर दुवारी वो
भैरव बाबा चरण परे हे
भैरव बाबा चरण परे हे
संग म लंगुरे भाई वो

संग म झर झर झरना झरत हे
संग म झर झर झरना झरत हे
अंगना म मांजत माई के
ए रूनझून रूनझून रूनझून बाजे
पैजनिया दाई के