जोरव जोरव जोरन Jorav Jorav Jorav Joran lyrics | Dukalu Yadav Jas Geet | visarjan geet

🌻जोरव जोरव जोरन – दुकालू यादव 🌻
🌺Jorav Jorav Joran lyrics🌺
🌷Dukalu Yadav Jas Geet🌷

 

    • गीत : जोरव जोरव
    • गायक : दुकालू यादव
    • गीतकार : परमानंद कठोलिया 
    • संगीतकार : रामकुमार साहू
    • लेबल : केके कैसेट

 

माँ आँखी ले आँसू बोहावत हे मोर 
 
कईसे करंव बिदाई ला तोर 
 
कईसे करंव बिदाई ला तोर 
 
माँ बेटी के बिदाई ला दाई ददा हा करथे
 
तोर बिदाई ला कोन करही
 
तैं तो ज्योति निराकारी अस दाई
 
दुर्गा चण्डी काली महामाई
 
सब के भार ला तै धरे हस
 
तोर भार ला कोन धरही
 
तोर भार ला कोन धरही
 


 
स्थायी
 
जोरव जोरव जोरव जोरन हो
 
मोर दुर्गा दाई के होवत हे बिदाई
 
मोर दुर्गा दाई के होवत हे बिदाई
 
चला चला दीदी चला मोर भाई
 
सगुरी जावत हे महामाई
 
मोर दुर्गा दाई के होवत हे बिदाई
 


 
अंतरा 1
 
तोर बिराजत गांव शहर हा सरग बरोबर लागे
 
रिगबिग रिगबिग बिजली बरे ओ रतिहा दिन अस लागे
 
मया के बंधना मा नौ दिन बांधे बिदा के बेरा आगे
 
संग तोर छुटती लागे उदासी आँखी ले आँसू बोहागे
 
सुन्ना सुन्ना घर अऊ अंगना लागत हे भारी करलाई
 
मोर दुर्गा दाई के होवत हे बिदाई
 


 
अंतरा 2
 
बच्छर भर बर जोरव जोरन कंगी कोकई कोरन
 
लुगरा पोलखा चुनरी चोली आमा पान के तोरन
 
सुपली टुकनी तेल के गुंडी पेरे चांउर के जोरन
 
टिकली फूंदरी चूरी मुंदरी बंदन चंदन दर्पन 
 
मुंगा मोती जंवा अऊ तिल्ली मैया  बर चना गुड़ लाई
 
मोर दुर्गा दाई के होवत हे बिदाई
 


 
अंतरा 3
 
सगरी नहावन चले महामाई मांग भरे बम लाली
 
नाचत गावत चले सेउक मन उड़े अबीर गुलाली
 
जोत जंवारा होत विसर्जन आज हा लागे काली
 
अऊ आबे जगजननी दुर्गा अंबे शेरावाली
 
परमानंद काठोलिया बर तै माता होगेस पहूंनाई
 
मोर दुर्गा दाई के होवत हे बिदाई
 
जोरव जोरव जोरव जोरन ओ
 
मोर दुर्गा दाई के होवत हे बिदाई
 
मोर दुर्गा दाई के होवत हे बिदाई
 
मोर दुर्गा दाई के होवत हे बिदाई
 


 

Related posts:

Leave a comment

x
error: Content is protected !!