हाथ गोड़ खसर्रा दिखे Hath God Khasarra Dikhe Lyrics – Mona Sen | CG Bihav Geet Lyrics

• गीत – हाथ गोड़ खसर्रा दिखे
• स्वर – शैल किरण, दुकालू यादव, मोना सेन
• गीतकार – गिरिवर दास मानिकपुरी
• संगीतकार – उत्तम तिवारी
• एल्बम – टिकावन
• प्रकार – छत्तीसगढ़ी बिहाव गीत
• लेबल – केके कैसेट

स्थायी

हाथ गोड़ खसर्रा दिखे

खसर खसर खजवाए गा

के महिना ले नहाए नई हस

भकर भकर बस्साए गा

ए पाउच खा के पिच पिच थुके

मुहु म भरे तम्बाखु वो

दांत हा दिखथे करिया समधिन

घिसथस का गुड़ाखू वो

अंतरा 1

रेचका पेचका भाटो के भाई 

आंखी दिखे बोटर्रा वो

कोन दिही एला लड़की बहिनी

खाए म हे गोबर्रा वो

ए समधिन

झन कर जादा अतलंग समधिन

बिहा के ले जाहूं वो

भवराहूं इही मड़वा म नई ते 

उड़हरिया भगाहूं वो

अंतरा 2

सूट बूट पहिरे ले समधिन

शाहरूख नई कहाए गा

शेर के खाला ओढ़े ले गदहा

शेर नई बन जावै गा

ए जींस मारे टॉप पहिरे 

चश्मा लगाए हो

अंग्रेजी म गारी दे के 

हमला का देखाए वो

अंतरा 3

दार रांधेव भात रांधेव 

पसिया पसाऐंव वो

दुल्हा डउका के मेछा म 

हंसिया दताएंव वो

सारी हाथ ले खा ले लाडू

भाटो बड़ा मिठाही गा

काली ले मोर बहिनी तोला

पैरा भूसा खवाही गा

ए समधिन…..

ए… ए….. ए……….