अंतस के पीरा Antas Ke Pira Lyrics – Hiresh Sinha

अंतस के पीरा

Antas Ke Pira Lyrics – Hiresh Sinha

• गीत – अंतस के पीरा
• स्वर – हिरेश सिन्हा, करिश्मा खान
• गीतकार – शक्कु बरिक
• म्यूजिक – परवेज खान
• लेबल – सेटप बॉक्स छत्तीसगढ़ी

स्थायी
अंतस ले छलके पीरा
दुनिया उजरगे मोर
कईसे बतावव तोला रे
मन के मैं प्रेम फकिरा
कुलुप लागे मन मोर
का मैं देखावव तोला रे
मोर चंदैनी गोंदा
का कहव मैं तोला
मया फांदा म तैं डारे मोला

जियरा म छागे अधिरा
मन भितरी का हे तोर
कहि देना तैं हा मोला रे
मया म दे हस पीरा
तिल तिल सुखागे मोर
संसो फिकर म चोला रे
मोर मयारू सोना
संग तोरे होना
मया म मैं तोला नई चाहौ खोना

अंतरा 1
दिन रात देखौ सपना ला तोर
जब ले बंधा गे हे पिरीत के डोर
कईसे निभाहूं संग ला मैं तोर
जिनगी हा फंस गे हे भंवर म मोर
जान ले अंव प्र्रेम कर के
जियत हंव मैं मर मर के
ले जा बना के दुल्हिन
मांग ला तैं भर के
मोर पिरोहिल दोना
नई देवौ मैं धोखा
मिलन होही तोर मोर
सजनी आही मौका

अंतरा 2
मया तोर संगी हावय अनमोल
तोर बिना जिनके नई हे काही मोल
तोर मोर पिरीत हे जग म बेजोड़
काहे तैं देखाए मया अईसन मोड़
साथी मोर नानपन के
धड़कन अउ सांस बन के
मोर हर जनम में संगी
रहिबे तै मन में
ये दुआ ये पूजा नई तो जावै विरथा
मया जोडे़ हावै ये पावन रिस्ता
अंतस ले छलके पीरा दुनिया उजड़गे मोर
कईसे बतावव तोला रे
जियरा म छागे अधिरा
मन भितरी का हे तोर
कहि देना तैं हा मोला रे