अंगार मोती मोर दाई ओ Angar Moti Mor Dai O lyrics – Dukalu Yadav Jas Geet

12 January 202413 April 2022

अंगार मोती मोर दाई ओ

Angar Moti Mor Dai O lyrics

Dukalu Yadav Jas Geet Lyrics

गीत : अंगार मोती मोर दाई ओ
गायक : दुकालू यादव

अंगार मोती मोरे दाई ओ तोर अंगना मे बरत हे जोती

तोर अंगना मा बरत हे जोती

गंगा सही गंगरेल बोहाये

गंगा सही गंगरेल बोहाये चारो मुड़ा चारो कोती ओ दाई

चारो मुड़ा चारो कोती

अंतरा 1

ना तोला घाम लागे ना तोला पानी अजब हावै माता तोर कहानी ओ

बईठे हावस गंगरेल के तिर मा आदि शक्ति माता अंबे भवानी ओ

तै करथस सबके सहायी ओ

तै करथस सबके सहायी ओ तोरे अंगना म बरसत हे मोती ओ दाई

अंगना म बरसत हे मोती

अंगार मोती मोरे दाई ओ तोरे अंगना म बरत हे जोती

तोर अंगना मा बरत हे जोती

अंतरा 2

आगी अंगरा कस बरत रईथस तै हा ओ माता दिन रात ओ

मेला भराथे जातरा लगथे चईत महिना अउ नवरात ओ

तोर बहिनी हे बिलई माई ओ

तोर बहिनी हे बिलई माई ओ जे हर घूमत रथे ऐती ओती ओ दाई

घूमत रथे ऐति ओती

अंगार मोती मोर दाई ओ तोर अंगना मा बरत हे जोती

तोर अंगना मा बरत हे जोती

अंतरा 3

तिही जरे अउ तिही बुताये कोनो हा माता समझ नई पाये ओ

नर अउ नारी आरती थारी लेके चरण मा तोर आये ओ

मै चघावौ चुरी चाकी लाई ओ

मै चघावौ चुरी चाकी लाई ओ तोर भूवन मा प्रेम के सेती ओ दाई

भूवन मा प्रेम के सेती

अंगार मोती मोर दाई ओ तोर अंगना मा बरत हे जोती

गंगा सही गंगरेल बोहाये

गंगा सही गंगरेल बोहाये चारो मुड़ चारो कोती ओ दाई

चारो मुड़ा चारो कोती

अंगार मोती मोरे दाई ओ तोरे अंगना मे बरत हे जोती

Related posts:

Leave a comment Cancel reply

error: Content is protected !!