आमा मऊर AAMA MAUR CG SONG LYRICS – Kanchan Joshi, Vivek Sharma

आमा मऊर

AAMA MAUR CG SONG LYRICS

• गीत – आमा मऊर
• स्वर – विवेक शर्मा, कंचन जोशी
• गीतकार – मिनेश साहू
• संगीत – विवेक निलेश शर्मा
• निर्माता – संजीव साहू
• प्रकार – ददरिया गीत 
• यूट्यूब – बिन्दास बहूरानी 13

मया म माते मन बईहा हा
रही गांव कोनो खोर
सुरता म सोरियाते रहूं
सिरतोन तोर आमा मऊर
सिरतोन तोर आमा मऊर

स्थायी
तोर खुमरी म कलगी झूले झूलना
कोन बेरा जंवारा होही मिलना
तोर खुमरी म कलगी झूले झूलना
कोन बेरा जंवारा होही मिलना
ओहेठी हा ठउरे के सुरता हा पउर के
मन उलहावत हे मोर आमा मऊर के हो

तोला लाली के लुगरा गजब खुले ना
तोला लाली के लुगरा गजब खुले ना
तोर झूल झूल रेंगना नजर झूले ना
ओहेठी हा ठउरे के सुरता हा पउर के
मन उलहावत हे मोर आमा मऊर के हो

अंतरा 1
धांगना परछी मोहाटी मा ठाढ़े
तोर बिना जोही रे मन नई तो माढ़े
ये सिका म राखे
ये दे सिका म राखे दोही पांवे घीव
तोर सुरता के संसो के लेवय मोर जीव
ये देव धामी
देव धामी म नरियर बदेव बदना
डेरी हाथ म नाव के गोदाहूं गोदना
ओहेठी हा ठउरे के सुरता हा पउर के
मन उलहावत हे मोर आमा मऊर के हो

अंतरा 2
संझा के पानी मंझनिया के घाम
सउहे जिनगी लिखागे हे तोरेच नाम
सुकुवा पहाती
सुकुवा के पहाती बेरा पंगपंगाती
रामे रमउवा होही आती जाती
वो मन के मिलौनी
ये वो मन के मिलौनी नगावन पठौनी फिरौ खारे खारे
जग बाबा मौनी तोर मया म वो

बमरी हा फूले हे सोन रंग फूल
गठीया के बने रखबे जहूंरिया तैं सिरतोन
झन जाबे तैं हा भूल वो आमा मऊर के

छेरी बंधागे आमा के बांहे डोर
कोनो जाने नही मया ला संगी तैं सिरतोन
सुन ले तैं जोही ये गा आमा मऊर के

अंतरा 3
उड़ै बड़ धूर्रा रेंगै बरदी चल हाड़ रचाबो एसो हरदी
हमर मया के दहरा
हमर मया के दहरा उठै भावना
गड़वा बाजा बजा के ले जाहूं गौना
थोरी धीर ला धरबे
थोरी धीर ला धरबे मोर मैना जोही
सिरतो अक्ती के भांवर हमर होही तोर मया म वो

अंतरा 4
सियाने आही बांधे मुड़ी म पागा
दाई ददा राजी हावै आजा
ये दे गोठ बताही
ये दे गोठ बताही नेत मढ़ाही
जात सगा दुनो जीव जुड़ाही
ये मया के बंधना
ये दे मया के बंधना पुरखा आशीष ले
जांवर जोड़ी हा लाख भर ईष ले
ओहेठी हा ठउरे के सुरता हा पउर के
मन उलहावत हे मोर आमा मऊर के हो

• Aama Mour Lyrics Part 1
• Aama Mour Lyrics Part 2