तैं आँसू बोहाऐ वो Tain Aansu Bohaye wo Lyrics | Mamta Deshmukh Jas geet

स्थायी

तैं आँसू बोहाऐ वो तैं आँसू बोहाऐ ना

नव दिन रतिहा दाई आँसू बोहाऐ ना

तैं आँसू बोहाऐ वो तैं आँसू बोहाऐ ना

नव दिन रतिहा दाई आँसू बोहाऐ ना

अंतरा 1

तइहा जुग म दुर्गम दानव

ब्रम्हा के वरदानी गा

चारो वेद ला बोरे बैरी 

गरबे गंज गुमानी गा

धरम धरा ले बुड़गे सुखा गे

नदी नरवा के पानी गा 

अन्न पानी बिन चीहूर पर गे

कलपे सगरो परानी गा

देवता ला सताऐ वो

धरमी ला रोवाऐ ना

नव दिन रतिहा दाई 

आँसू बोहाऐ ना

अंतरा 2

शुम्भ निशुम्भ महिसासुर मारे

रकतबीज संघारे वो

दुर्गम दानव ले तोर बिन दाई

हमला कोन उबारे वो

अरजी माई से आदि अंबिका

पर में सिरी सिधारे वो

दगदग ले दमके महामाया

नाना नयन उचारे वो

दाई ला गोहारे वो

माता ला मनाये ना

नव दिन रतिहा दाई 

आँसू बोहाऐ ना

अंतरा 3

माता के आँसू आँसू मा 

नदी नरवा भर जाये गा

जेवन पाये सगरो परानी

सुर नर नांग हिताये गा

माथ नवाये महामाया ला 

विपदा ला बताये गा

अभय पाये देवता धामी

अपन अपन डीही जाये गा

आँसू ला बोहाऐ वो

जग ला हरियाऐ ना

नव दिन रतिहा दाई 

आँसू बोहाऐ ना

अंतरा 4

देवता मन के लाज रखे बर 

किरपा कर किरपाली गा

अपन तेज के नयन ले घेरे

सुरपुर दीन दयाली गा

अइबिहा उमियागे सउहे

माता शेरावाली गा

अगम अंग ले प्रगटे तुरते

दस विद्या बिकराली गा

बघवा मा आये वो

तैं लाज बचाऐ ना

नव दिन रतिहा दाई 

आँसू बोहाऐ ना

अंतरा 5

माथे मा चंदर मुकुट सोहे

सिरजे शक्ति भारी गा

भूतवा मन के बरभस टोरे

छिन म उन अवतारी गा

तिरसुल म दुरगम ला मारे

महामाया महतारी गा

श्रीदुर्गा के नाम उचारे

तभे सकल संसारी गा

ममता जस गाऐ वो

परमानंद पाऐ ना

नव दिन रतिहा दाई 

आँसू बोहाऐ ना

तैं आँसू बोहाऐ वो 

तैं आँसू बोहाऐ ना

नव दिन रतिहा दाई 

आँसू बोहाऐ ना