कोन जनि कतिक बेरा नैना लड़गे Naina Ladge Lyrics – Kantikartik New Holi Geet Lyrics

कोन जनि कतिक बेरा नैना लड़गे

Naina Ladge Lyrics

Kantikartik New Holi Geet Lyrics

• गीत – कोन जनि कतिक बेरा नैना लड़गे
• स्वर – कांतिकार्तिक यादव
• गीतकार – कांतिकार्तिक यादव
• संगीत – ओपी देवांगन
• म्यूजिक लेबल – कोक क्रिएशन

मया के चिनहा मयारू जानै
मया के रंग निराला हे
इही मया के माया म
फांसै जग बांसुरी वाला हे
राधा के पीरा जग जानै
कोन हा पुछै कन्हैया ला
बिन मया के महल नई भावै
बन बन धेनू चरईया ला
बिन मया के महल नई भावै
मया के रद्दा रेंगईया ला

स्थायी
कोन जनी कतिक बेरा नैना लड़गे
दू परान एक होगे मया म पड़गे
जिनगी म छा गे हे बसंत बहार
जिनगी म छा गे हे बसंत बहार
भंवरा जाबो चल ना जिनगी के दिन चार

अंतरा 1
जिनगी के रंग गोरी रंग रंग के हावै
तोर सुरता के पीरा अलग ढंग के हावै
घूर गेंव तोर रंग म अपन रंग बिसार के
एक टक देखे रेहे मोहनी ला डार के
पोथी मया के पढ़ेव जान के जी सार
मया के जी परसा फुलै लाहास गेहे डार
भंवरा जाबो चल ना जिनगी के दिन चार

अंतरा 2
का तहूं जागथस वो मोर सही रात भर
मुसका के मुच ले नैना ले वो बात कर
तोर नाव मोर होगे मोर नाव तोर हो
संगी मन ठीठोली करै मया नता जोर हो
हरदी के रंग ले तैं जिनगी ला संवार
मोर संवरेंगी आजा कर दे उजियार
भंवरा जाबो चल ना जिनगी के दिन चार
जिनगी म छागे हे बसंत बहार
जिनगी म छागे हे बसंत बहार
भंवरा जाबो चल ना जिनगी के दिन चार
कोन जनी कतिक बेरा नैना लड़गे
दू परान एक होगे मया म पड़गे