जय गंगान (बसदेवा) Jai Gangan Basdeva Geet Lyrics – Dinesh Verma, Khilesh Yadav

जय गंगान (बसदेवा)

Jai Gangan Basdeva Geet Lyrics

Dinesh Verma, Khilesh Yadav

• गीत – जय गंगान (बसदेवा)
• स्वर – दिनेश वर्मा, खिलेश यादव
• गीत कलेक्शन – यशवंत ठाकुर
• म्यूजिक – वासू साहू
• लेबल – डीडब्लूडी प्रोडोक्शन

दान देदे दाई दान देदे वो
मांगे बर आयेंव दाई तोर दुवारी म
पेट नई तो भरे दाई झूठ लबारी म
दाई दान देदे वो

दशरथ कस तोर पति हावै बेटा जस तोर राम
जुग जुग तोर बाढ़े उमरिया बाढ़े कोठी के धान
दाई दान देदे वो

बड़े फजर के बेरा म धरम कमा ले डेरा म
जय गंगान
सेमी फरे लमेरा म जोर दे हमरो जोरा म
जय गंगान
उत्ती बुड़ती बाढ़े धान संत सुजान के बात ला मान
जय गंगान
सुपा म वो देदे दान नाम कमाबे होही गुणगान
जय गंगान

कोदो कुटकी तिवरा के दार
देदे दाई अब के बार
झन कर दाई मन म विचार
करही विधाता दू के चार
जय गंगान

हां कोदो कुटकी तिवरा के दार
देदे दाई अब के बार
जय गंगान
झन कर दाई मन म विचार
करही विधाता दू के चार
जय गंगान
सुखी सुमंगल रहे परिवार
तीर झन आए कोनो विकार
जय गंगान

घर में रामायण घर में गीता
किरपा करही राम सीता
जियत रहिबे लाख बर इसा
रही आबाद रूपिया पईसा
जय गंगान

हां घर में रामायण घर में गीता
किरपा करही राम सीता
जय गंगान
जियत रहिबे लाख बर इसा
रही आबाद रूपिया पईसा
जय गंगान
गांव के लईका गांव के सियान
सुमग के रद्दा म चलो जवान
जय गंगान
धरम करम के गठरी ला बांध
जाना हे सब ला सीता राम
जय गंगान