होगे बियासी नांगर धोवागे
HOGE BIYASI NANGAR DHOWAGE LYRICS
CG HARELI SONG LYRICS
- गीत – होगे बियासी नांगर धोवागे
- स्वर – चंपा निषाद, अनुराग शर्मा
- गीतकार – प्रेम गोस्वामी
- संगीत – परवेज खान
- प्रकार – छत्तीसगढ़ी हरेली गीत
- लेबल – सुन्दरानी
- चम्पा निषाद MOBILE NUMBER – 8269558153
स्थाई
होगे बियासी नांगर धोवागे
होगे बियासी नांगर धोवागे
आगे तिहार हरेली
ए संगी रे ए गड़ी रे
चल ना खपाबो गेड़ी
होगे बियासी नांगर धोवागे
होगे बियासी नांगर धोवागे
आगे तिहार हरेली
ए संगी रे ए गड़ी रे
चल ना खपाबो गेड़ी
अंतरा 1
रिमझिम रिमझिम पानी बरस गे
गली भर होगे चिखला
संझा के बेरा खेले ला जाबे
सबो संगवारी निकला
खो खो घर घुंदिया खेलत हावै
खो खो घर घुंदिया खेलत हावै
गड़ी मन सब्बो सहेली
ए संगी रे ए गड़ी रे
चल ना खपाबो गेड़ी
ए संगी रे हां ए गड़ी रे
चल ना खपाबो गेड़ी
अंतरा 2
चल गेड़ी कुदाबो आवत ले पोरा के
सबो दीदी मन आही
पोरा पटकही सबो दीदी मन
गीत सुवा के गाही
तरी हरि नाना मोर नाना सुवाना रे
लाल बंगला म रे भाई
हे लाल बंगला म रे गोरी भांजै पान हो
लाल बंगला म रे भाई
हे लाल बंगला म रे गोरी भांजै पान हो
लाल बंगला म रे भाई
हां चीला चढ़ाबो अपन नांगर म
हां चीला चढ़ाबो अपन नांगर म
आगे तिहार हरेली
ए संगी रे हां ए गड़ी रे
चल ना खपाबो गेड़ी
होगे बियासी नांगर धोवागे
होगे बियासी नांगर धोवागे
आगे तिहार हरेली
ए संगी रे हां ए गड़ी रे
चल ना खपाबो गेड़ी
ए गड़ी