शिव शंकर दुल्हा बन के आये हो
Shiv Shankar Dulha Banke Aaye Ho Lyrics
Old Jas Geet Lyrics
- गीत - शिव शंकर दुल्हा बन के आये हो
- स्वर - पूरन साहू
- गीतकार - पूरन साहू
- संगीतकार - एजाज ए वारसी
- म्यूजिक लेबल - केके कैसेट
स्थायी
शिव शंकर दुल्हा बन के आये हो
परबतिया ला बिहाय
हो भूतवा के राजा भोला
अवघडिया नांदिया वाला
ये डमडम डमरू बजाये हो
ये डमडम डमरू बजाये हो
परबतिया ला बिहाय
अंतरा 1
कनिहा बघवा खडरी पहिरे
पांव खडउ हे सजाए
तन भर राख रचे मरघट के
तीन आंखी जुगजुगाये
माथ म चंदा जटा म गंगा
कान म बिच्छी झूलावै
तिरसुल डमरू धरे महादेव
गर म गउहा ओरमावै
हे महादेव दुल्हा बने हे
बईला सवारी करे हे
हो महादेवा दुल्हा बने हे
बईला सवारी करे हे
ये रूप बरन नई जावै हो
रूप बरन नई जावै हो
परबतिया ला बिहाय
अंतरा 2
सजे संवागा भोलेनाथ के
बईहा कस हे जनाए
देखे रूप ब्रम्हा विष्णु हा
हांसी अडबड आये
हांसी फभिता होही कही के
मुनी गुनी हा भंजाए
नई रेंगे गा दुल्हा संग म
देवन सब अलगाए
हे डमरू वाला अलबेला
बहिरूपिया बड़ रंगरेला
हे डमरू वाला अलबेला
बहिरूपिया बड़ रंगरेला
हे धथुरा गांजा म भकवाए हो
धथुरा गांजा म भकवाए हो
परबतिया ला बिहाए
अंतरा 3
भूत नाथ के बरतिया भारी
बारात जावै सुग्घर
रहे कोनो हा टेटका कुबरा
बिन मुड दुबर पातर
अहो नांचत कुदत मसान रेंगे
धधकत हे रक्सा हर
जईसे दुल्हा तईसे बरतिया
दिखत हे बड़ जउहर
हो दफड़ा डमउ निशान बाजे
झुमर झुमर भूतवा नाचे
हो दफड़ा डमउ निशान बाजे
झुमर झुमर भूतवा नाचे
ये जोगनी परेतिन मटिया आये हो
जोगनी परेतिन मटिया आये हो
अंतरा 4
पहुचे बरतिया हिमांचलपुर
चारो मुड़ खलबलागे
सउहत जम के दुत हा आगे
सब झन ला डर हमागे
लईका सियान हा भागिन पल्ला
देखत पोटा सुखा गे
कईसे जोड़ी गढ़े विधाता
मैना गुनन लागे
हो परबतिया धीर बंधाये
महतारी ला समझाये
परबतिया धीर बंधाये
महतारी ला समझाये
ये लेखा करम के नई मिटाये हो
लेखा करम के नई मिटाये हो
परबतिया ला बिहाय
अंतरा 5
सात भांवर शिव पार्वती संग
मड़वा घुमे मन भांवन
अचहर पचहर हीरा मोती
पड़थे भारी टिकावन
लाडु सोंहारी बड़ा मिठाई
खाईन बरतिया जेवन
कैना दान करे राजा हर
होगे मगन सब देवन
हो शिव शक्ति बंधना बंधागे
सुग्घर कैलाश म आगे
शिव शक्ति बंधना बंधागे
सुग्घर कैलाश म आगे
ये प्रेम पूनर हर दर्शन पाये हो
प्रेम पूनर हर दर्शन पाये हो
परबतिया ला बिहाय
हो भूतवा के राजा भोला
अवघडिया नांदिया वाला
ये डमडम डमरू बजाये हो
ये डमडम डमरू बजाये हो
परबतिया ला बिहाय
