ऐ वो जवईया का नाम हावै तोरे वो Ye Wo Jawaiya Ka Naam Hawe Tore Wo Lyrics – Sonu Nigam CG Song Lyrics

• गीत – ऐ वो जवईया
• स्वर – सोनू निगम
• गीत – केदारसिंह परिहार, राजेश नायक
• संगीत – प्रशांत दास, सूरज महानन्द
• फिल्म – बनिहार
• लेबेल – सुन्दरानी

स्थायी

ए वो जवईया 

का नाम हावै तोरे वो

का नाम हावै तोरे वो

रईथस तैं कोने गांव बता दे वो

सुन गा ओ बाबू 

मोर नाम हे अंजोरी गा

मोर नाम हे अंजोरी गा

रहिथौ सुरूजपुर गांव तैं सुन ले गा

रहिथौ सुरूजपुर गांव तैं सुन ले गा

अंतरा 1

कउन दिशा म गांव हे तोरे वो

जाना हे कतका दूरिहा

भाटापारा ले भंडार दिशा म

दू कोष भुंईहा हे गांव

कउन दिशा म गांव हे तोरे वो

जाना हे कतका दूरिहा

भाटा पारा ले भंडार दिशा म

दू कोष भुंईहा हे गांव

आ थोकिन सुसता ले गोरी

बईठ ले पीपल छांवे म

रेंगत रेंगत थकगे होबे

थक गे वो मोरे पांवे या

वो दे दिखत हे 

लकठा म मोरे गांवे गा

लकठा म मोरे गांवे गा

रेंगबो दूए चार पांव 

गांव आ जाही गा

ए वो जवईया 

का नाम हावै तोरे वो

का नाम हावै तोरे वो

रईथस तैं कोने गांव बता दे वो

रहिथौ सुरूजपुर गांव 

तैं सुन ले गा

अंतरा 2

काबर तैं हा चुप हावस वो

कुछु काहि गोठ गोठिया

का बलावौ मैं का गोठियावव

तहि कछु किस्सा सुना

काबर तैं हा चुप हावस वो

कुछु काहि गोठ गोठिया

का बलावौ मैं का गोठियावव

तहि कछु किस्सा सुना

का नाता का रिस्ता तोरे 

गांव म गोरी मानत हे

कोन कोन धरम के मनईया 

गांव म तोरे रहत हे

दया के नाता 

रिस्ता हावै मया के

रिस्ता हावै मया के

हिरदय धरम मोरे गांव

तैं सुन ले गा

ए वो जवईया 

का नाम हावै तोरे वो

का नाम हावै तोरे वो

रईथस तैं कोने गांव बता दे वो

रहिथौ सुरूजपुर गांव 

तैं सुन ले गा

अंतरा 3

रद्दा ह कटही संग छुट जाही 

सुरता अबड़ आबे ना

दौड़त आहूं मिलेके खातिर

मोला जो बलाबे ना

रद्दा ह कटही संग छुट जाही 

सुरता अबड़ आबे ना

दौड़त आहूं मिलेके खातिर

मोला जो बलाबे ना

संग छूटे म कतका दुख मोला होही 

कईसे बतावव गा

पुछत पुछत आवौ मैं का नाम हे

कोन तोर गांव गा

सुन वो जवईया 

मोर नाम हावै सूरज वो

मोर नाम हावै सूरज वो

रहिथौ मैं धावर गांव

तैं सुन ले वो

सुन गा ओ बाबू 

मोर नाम हे अंजोरी गा

मोर नाम हे अंजोरी गा

रहिथौ सुरूजपुर गांव

तैं सुन ले गा

जतका सुग्घर 

तोर रूप हावै गोरी वो

तोर रूप हावै गोरी वो

ओतके सुग्घर तोरे नाव अंजोरी वो

रहिथौ सुरूजपुर गांव तैं सुन ले गा

ओतके सुग्घर तोरे नाव अंजोरी वो

रहिथौ सुरूजपुर गांव तैं सुन ले गा