राउत नाचा दोहा – दुकालू यादव | RAUT NACHA DOHA LYRICS

💕राउत नाचा दोहा 💕
🌹 RAUT NACHA DOHA LYRICS🌹
🎵 CG DIWALI GEET 🎵

• गीत – राउत नाचा
• स्वर – दुकालू यादव
• गीतकार – जयदास मानिकपुरी
• संगीत – मनोज दीवान
• प्रकार – छत्तीसगढ़ी गीत
• लेबल – म्यूजिक स्टेशन छत्तीसगढ़

अरे तन हे जेखर करिया संगी
अउ मन हे ओखर सादा हो
मन मोहना रूप कान्हा के
हो गे दीवानी राधा हो

अरे बसे कन्हैया मन म मोरे
अउ होंठ म हे तोर नाम हो
मोर दिल म बसने वाला
कान्हा तोला हावै परनाम हो

अरे जगमग बरे दीयना रे संगी
अउ जगमग जगमग घर दुवारे
झूमे कोसरिया संग रे संगी
जयदास माने तिहारे

अरे देदे मोला दर्शन कान्हा
अउ पूरा कर दे मोर आस हो
कब तक जोहौ रस्ता तोरे
अब तो आजा मोरो पास हो

अरे आजा बजाए तावा रे संगी
अउ तितुर ताहरा दे हो
राम बजावै बांसुरी रे बलकईया
हुंकारू दे हो

अरे दौलत छोड़ेव सौरत छोड़ेंव
अउ छोड़ेव सब्बो खजाना हो
राधा किसन के दीवाना बन के
छोड़ आयेंव सब्बो जमाना हो

अरे हिरदय म बसे राम हो संगी
अउ मन म बसे बलराम हो
दुनो झन ला जपे बिना चले नही
कखरो काम हो

अरे गोकुल म जेखर बासा रे संगी
अउ गोपी संग करे निवास
कान्हा जेखर नाव रे संगी
चरण परत जयदास

अरे चौदह साल बनवास ला कांटे
राम लखन सिया भवानी हो
जगमग जगमग दीयना बरे
के आगे तिहार देवारी हो

अरे जइसे के मालिक लिए दिये रे भैया
अउ अईसे के देबो आशीषे
बेटवन बेटवन तोर घर भरे भैया
जुग जुग भर लाख भर ईषे