नंदा जाही का रे Nanda Jahi Ka Re Lyrics | Bhulan The Maze CG Film

नंदा जाही का रे 

Nanda Jahi Ka Re Lyrics

  • गीत : नंदा जाही का रे
  • गायक : मनोज वर्मा, महादेव हिरवानी
  • गीतकार : मीर अली मीर जी
  • संगीतकार : सुनील सोनी 
  • फ़िल्म : भूलन द मेज ( नेशनल अवार्ड )
  • लेबल : स्वप्निल स्टूडियो 

 

 

स्थायी 
ए नंदा जाही का रे  
नंदा जा ही का रे 
नंदा जा ही का
 

 

नंदा जाही का रे , 
नंदा जा ही का रे ,
नंदा जा ही का 
नंदा जाही का रे , 

 

नंदा जा ही का रे ,
नंदा जा ही का
कमरा अउ खुमरी अरई-तुतारी
अ र र र र त त त छो…… 
 
अंतरा 1 
होत बिहनिया पखरा के आगी
टेड़गा हे चोंगी टेड़गा हे पागी
नुई झूले जस गरकस माला 
धरे कसेली दउड़त हे ग्वाला
टेड़गा लेउड़ी ल बांखा दबाए
बंसी के धुन मा धेनु चरइया नन्दा जाही का..
कमरा अउ खुमरी अरई-तुतारी
अ र र र र त त त छो…….
 
अंतरा 2
रचरच मचमच गेंड़ी मचईया
गांव गली म पँड़की  नचईया
मांदर के थाप म राहस रचाये
पंथी के धुन ल गाए बजाए
गांव के लीला, चाऊंर के चीला
मेला मड़ई म ढेलवा झुलईया
नन्दा जाही का…
कमरा अउ खुमरी, अरई-तुतारी 
अ र र र र त त त छो…
 
अंतरा 3
जिमिकान्दा, कनसईया उसनागे
लेड़गा बरी के बनईया नंदागे
दार के पीठी, अदौरी बरी ल
 चेंच भाजी संग धरे जोड़ी ल
मही बिलोये, पठोये, मंगाए
डुबकी कढ़ी के रंधईया 
नंदा जाही का…
 
 
नंदा जाही का रे ,नंदा जाही का रे
नंदा जाही का
कमरा अउ खुमरी, अरई-तुतारी 
अ र र र र त त त छो…….
 
अंतरा 4
टेंड़ा बारी के टेंड़ा टेंड़ईया
घेंच म घांटी घुंघरू बंधईया
गोल्लर दउड़ै खावै अघावै
हरहा मरहा ल कोनो नई भावै
का मेड़वारी के घानी मुंदी म
गाए ददरिया दौरी खेदईया
नंदा जाही का….
 
 
ए नंदा जाही का रे, नंदा जाही का रे
नंदा जाही का
कमरा अउ खुमरी, अरई-तुतारी 
अ र र र र त त त छो…….

Related posts:

Leave a comment

x
error: Content is protected !!