मोर माँ – शुभम साहू | MOR MAA CG SONG LYRICS

मोर माँ 

MOR MAA CG SONG LYRICS

• गीत – मोर माँ
• स्वर – शुभम साहू
• गीतकार – परवेज खान
• संगीत – प्रकाश चन्द्रवंशी
• प्रकार – छत्तीसगढ़ी गीत
• लेबल – एस कुमार प्रोडोक्शन

स्थायी
तोर अचरा के छांव म ही तो मोर दुनिया हे माँ
मोर बर तो भगवान ले बढ़ के तोर ममता हे माँ
मोला जनम दिस कतका दुख तकलिफ ला सही के माँ
मोर बर तो भगवान ले बढ़ के तोर ममता हे माँ
ओ माँ ओ माँ ओ माँ मोर माँ
ओ माँ ओ माँ ओ माँ मोर माँ

अंतरा 1
खुद के भूख प्यास के चिंता रहिस कहां तोला
दिन भर तोर मजदूरी म बितैं संग लिये मोला
हां मोर जतन म तोर डहर ले कमी ना होने दे
कोनो खिलौना बर माँ मोला कभू न रोने दे
बिना शिकायत मोर हर जिद ला पूरा करे हस माँ
पूरा करे हस माँ
तोर अचरा के छांव म ही तो मोर दुनिया हे माँ
मोर बर तो भगवान ले बढ़ के तोर ममता हे माँ

अंतरा 2
अब हे मोर धरम म मैं तोर सेवा करौ हर पल
तैं अब कर आराम इही हे तोर मेहनत के फल
खून पसीना एक मैं करहूं तोर हर एक सुख बर
तोर गोदी म सिर रख के मां कटही सारी उमर
मोर रहत ले कोनो दुख तोला छू नई पाही ना
छू नई पाही ना
तोर अचरा के छांव म ही तो मोर दुनिया हे माँ
मोर बर तो भगवान ले बढ़ के तोर ममता हे माँ

मोला जनम दिस कतका दुख तकलिफ ला सही के माँ
मोर बर तो भगवान ले बढ़ के तोर ममता हे माँ
ओ माँ ओ माँ ओ माँ मोर माँ
ओ माँ ओ माँ ओ माँ मोर माँ

SHUBHAM SAHU ALL SONG