दिखे करिया करिया समधी – भड़ौनी गीत | Dikhe Kariya Kariya Lyrics | Bhadauni Geet Lyrics

• गीत – दिखे करिया करिया
• स्वर – गरिमा दिवाकर, स्वर्णा दिवाकर, परमानंद करियारे
• एल्बम – पाणि ग्रहण
• प्रकार – छत्तीसगढ़ी विवाह गीत
• भड़ौनी गीत
• लेबल – केके कैसेट

स्थायी

दिखै करिया करिया समधी 

जईसे चुपरे कोईला रे

अरे खारन खार कुदाबो येला

फांदबो गाड़ी बईला रे

ए पाउच खा के पीच पीच थूके 

मुहु म भरे तम्बाखू वो

दांत हा दिखथे करिया समधिन

घीसथस का गुड़ाखू वो

अंतरा 1

आंखी हावै गोटारन जईसे 

मुहु म नई हे दांत रे

सुक्कुड दुम तिरागे एखर

खड़े हावै चुपचाप रे

झन कर जादा अतलंग समधिन

बिहा के ले जाहूं वो 

भंवराहूं एही मड़वा म नई ते 

उड़हरिया भगाहूं वो

अंतरा 2

चरबी एखर चढ़े हावै

छाए हावै जवानी रे

कोन्हो टूरी छेटारे नहीं

तभो ले मारे फूटानी रे

ए जींस मारे टॉप पहिरे

चश्मा लगाए वो

अंग्रेजी म गारी देके 

हमला का देखाए वो

अंतरा 3

बांध के गेरवा म ऐ ला जी

कोठा म ओलिआबो रे

मोके कोटना म कटिया अउ 

कांदी भूसा खवाबो रे

सारी हाथ ले खा ले भाटो 

लाडू अब्बड़ मिठाही गा

काली ले मोर बहिनी तोला 

बेंदरा सही नचाही गा