बगिया महके Bagiya Mahke CG Song Lyrics – Monika Verma, Rishiraj Pandey CG Song

• गीत – बगिया महके
• स्वर – हमर ऋषिराज पांडे, मोनिका वर्मा
• गीतकार – अपना अंकित भाई
• संगीत – अपना ऋषिराज पांडे भाई
• लेबल – Zee Music Chhattisgarhi

स्थायी

सुन्ना सुन्ना बगिया महके जब ले तैं आए रानी

छम छम पैरी मोरे मन ल अईसे मोहाए रानी

ए गगन हा देवै मोरे मया के सन गवाही

कल कल ये झरना पानी के मया धुन तो सुनाही

सुन्ना सुन्ना बगिया महके जब ले तैं आए रानी

जिया धुक धुक मोरे धड़के तीर म आ के सुन आजा

अंतरा 1

तही मोरे जान ओ गोरी

तही मोरे जहान

तही मोरे चंदा सितारा

तोर ले हे मुस्कान

बांहा मोरे देखै राजा

चूरी कब पहिराबे

घेरी बेरी बस मैं सोचौ

संग म कब लेके जाबे

सुन्ना सुन्ना बगिया महके

जब ले तैं आए रानी

अंतरा 2

तही मोरे बने बिहिनिया

तैं बने मोर सांझ

दे दौ तोला अतना मया मैं

दे दौ तोला परान

मांगौ वादा तोर से राजा

ए मया तैं निभाबे

मया पिरीत के जगमग दिया

संग म तैं हा जलाबे

सुन्ना सुन्ना बगिया महके

जब ले तैं आए रानी

छम छम पैरी मोरे मन ल

अईसे मोहाए रानी