लेजा गा मोरो भेंट ला
Le Ja Ga Moro Bhet La Lyrics
Dukalu Yadav Bhakti Song Lyrics
- गीत - लेजा गा मोरो भेंट ला
- स्वर - दुकालू यादव
- गीतकार - दास मनोहर घृतलहरे
- संगीत - दुकालू यादव, सूरज महानंद
- ऑडियोग्राफी - प्रबोध रंजन साहू
- प्रकार - छत्तीसगढ़ी जस गीत
- लेबल - जी एस प्रोडोक्शन
स्थायी
जाथस त भईया मईया के दरबार
सुना देबे मईया ला मोरो गोहार
कहिदेबे मोरो संदेश ला
कहिदेबे मोरो संदेश ला
मईया बर लाने हंव लाली चुररिया
ले जा गा मोरो भेंट ला
अंतरा 1
हर साल जाथंव महूं नवरात म
मईया के दर्शन बर डोंरगरगढ़
फेर एसो घर म जंवारा बोये हे
जिम्मेदारी हावै अड़बड़
घर म मोर सकलाही जम्मो परिवार
सगा सोदर अउ दूर दूर के चिन्हार
कहिदे मोरो संदेस ला
कहिदे मोरो संदेस ला
मईया बर लाने हंव लाली चुनरिया
ले जा गा मोरो भेंट ला
अंतरा 2
झन भूलाबे गा परसाद लाबे
आबे त मोरो बर तैं हर
अपन खर्चा ले तोला ले के जाहूं
अवईया बछर जरूर मैं हर
ज्योत जले मां के लागे उजियार
सरग ले सुग्घर एखर संसार
कहिदे मोरो संदेस ला
कहिदे मोरो संदेस ला
मईया बर लाने हंव लाली चुनरिया
ले जा गा मोरो भेंट ला
जाथस त भईया मईया के दरबार
सुना देबे मईया ला मोरो गोहार
कहिदेबे मोरो संदेश ला
कहिदेबे मोरो संदेश ला
मईया बर लाने हंव लाली चुररिया
लेजा गा मोरो भेंट ला
लेजा गा मोरो भेंट ला
