Mohini Muratiya He Tor Lyrics
Kantikartik Yadav New Jas Geet
- गीत : तोर मोहनी मूरतिया
- गायक : कांतिकार्तिक यादव
- गीतकार : मौनी लाला
- संगीतकार : ओ पी देवांगन
- लेबल : कोक क्रिएशन
स्थायी
ये हो मोहनी मूरतिया हे तोर मैया शारदे
ये हो मोहनी मूरतिया हे तोर मैया शारदे
पांवे मा दाई पैजन कनिहा मा हासै करधन
पांवे मा दाई पैजन कनिहा मा हासै करधन
ये तोला रूच मुच ये तोला रूचमुच
ये तोला रूच मुच से उकराके हे सिंगार के
अंतरा 1
सौ सूरूज अस मुख मंडल हे छवि बरनी ना जाये
माथा के टिकली जस चंदा हे जे रूप ला सम्भराये
नाक मा फूल्ली लागे चंदैनी जोगनी अस मुसकाये
कान करन फूल कान मा लटके पियर रंग दर्शाये
नयन दिखे ओ कटारी करे भगत हितकारी
नयन दिखे ओ कटारी करे भगत हितकारी
ये मोला बईंहा मा ये मोला बईंहा मा
ये मोला बईंहा मा ले के दाई तै दुलार दे
अंतरा 2
नयन मा काजर बादर अस हे किरीट मुकुट झलकाये
मखमल लुगरा पोलखा अंग मा लाली रंग परखाये
यहो बांह बहूटिया मोरी पहूंची शीत रूप मा समाये
बांह भर चूड़ी पटा सुहाये सुहागिन पद पाये
सब के मईके तोर अंगना ऐकर दाई का कहना
सब के मईके तोर अंगना ऐकर दाई का कहना
ये मोर बुड़त ये मोर बुड़त
ये मोर बुड़त जिनगी ला दाई तै उबार दे
अंतरा 3
हाथ मा मेंहदी अंगरी मा मुंदरी नव नव रतन सुहाये
हीरा पन्ना मुंगा मोती ले गल माला मुसकाये
मुड़ मा गजरा चंपा चमेली दशमत मन ला भाये
पवरी मा मांहूर अंगरी मा बिछिया गुन गुन के गोहराये
कांतिकार्तिक हे सिंगारे मौनी लाला हे दुआरे
छोटे नंदिया ला छोटे नंदिया ला
छोटे नंदिया ला तै हा दाई ओ परार दे
पांवे मा दाई पैजन कनिहा मा हासै करधन
पांवे मा दाई पैजन कनिहा मा हासै करधन
ये तोला रूच मुच ये तोला रूचमुच
ये तोला रूच मुच से उकराके हे सिंगार के
