Dori Sans Ke Bandhe Bum Bhola le
by Kantikartik
- गीत :- डोरी सांस के बंधे बम भोला ले
- गायक :- कांतिकार्तिक यादव
- गीतकार :- कांतिकार्तिक यादव
- संगीतकार :- ओपी देवांगन
डोरी सांस के बंधे बम भोला ले
डोरी सांस के बंधे बम भोला ले
जीव शिव हे शिव जीव हे
शिव जीव हे जीव शिव हे
पंचरतन के चोला हे
जाना तोला मोला हे
अंतरा 1
बिन तोर इच्छा सरी जगत में नई हाले डारापाना
मंद मंद पुरवाही डोले जीव जती पाये दाना
कण कण म नस नस मा भोला तोर परछो हा समाये हे
तोर किरपा ले धरा धाम मा जीव आये अउ जाये हे
आदि अंत के नई हे चिन्हारी सगरो भगत बर तोर दुआरी
शिव के लगन के ये डोला ये
जाना तोला मोला हे
डोरी सांस के बंधे बम भोला ले
अंतरा 2
तोरे दया के छइहा म भोला बीज हा बर हो जाये हे
भगती के तोर रंगनी म रंग के जीव अमर हो जाये हे
मान जथस तै कभू एक छन मा कभू जुग जुग मा नई मानस
नई हे कोनो मन के भाव हा जेन ला ते हर नई जानस
अर्पण कर दौ शिव के चरण म कांतिकार्तिक साधै मन मा
माटी के ये चोला ये जाना तोला मोला हे
डोरी सांस के बंधे बम भोला ले
जीव शिव हे शिव जीव हे
शिव जीव हे जीव शिव हे
पंचरतन के चोला हे
जाना तोला मोला हे
डोरी सांस के बंधे बम भोला ले
डोरी सांस के बंधे बम भोला ले
जय शिव शंकर
ReplyDeleteजय शिव शंकर
ReplyDelete