Lali Lali Tor Math Ke Bindiya Lyrics
🌷Dukalu Yadav Jas Geet🌷
- गीत : लाली लाली तोर माथ के बिंदिया
- गायक : दुकालू यादव
- गीतकार : दुकालू यादव
- संगीतकार : रामकुमार साहू
- लेबल : केके कैसेट
बड़ निक लागे मैया मोला तोर मया दुलार ओ
चंपा चमेली दूध मोंगरा के साजे हस सोला सिंगार ओ
कब परही तोर फूल कर पौरी दाई ओ मोर गांव मा
छवनी बना के रखे हन सुग्घर आमा नीम के छांव मा
स्थायी
लाली लाली लाली लाली
लाली लाली तोर माथ के बिंदिया
लाली लाली तोर माथ के बिंदिया
लाली मांग के सिंदूर
आबे आबे हमर गांव मा मईया नवरात्रि मा जरूर
आबे आबे हमर गांव मा दाई नवरात्रि मा जरूर
अंतरा 1
महानदी के तीर में मईया बसे हावै मार गांव वो
डोंगरी पहाड़ी रूख राई के निक लागे सुग्घर छांव वो
ऐ चम चम चमके बिजली रतिहा
चम चम चमके बिजली रतिहा
नाम हावै चंदरपुर
आबे आबे हमर गांव मा मईया नवरात्रि मा जरूर
आबे आबे हमर गांव मा दाई नवरात्रि मा जरूर
अंतरा 2
चईत कुंवार के परब महिना आबे पैरी ला बजावत वो
सातो बहिनिया ला संग मा लाबे बघवा ला लाबे नचावत वो
ऐ लाली लाली ओढ़े माता चुनरिया
लाली लाली ओढ़े माता चुनरिया
लाली पांव के महूंर
आबे आबे हमर गांव मा मईया नवरात्रि मा जरूर
आबे आबे हमर गांव मा दाई नवरात्रि मा जरूर
अंतरा 3
अंगना लीपा के चउंक पुरा के राखे हन दीया जला के वो
हे जग जननी हे दुख हरनी आबे तै सुरता लमा के वो
आस लगा के बईठे कोसरिया
आस लगा के बईठे कोसरिया
अजय प्रेम के लंगुर
आबे आबे हमर गांव मा मईया नवरात्रि मा जरूर
आबे आबे हमर गांव मा दाई नवरात्रि मा जरूर
