नव दुर्गा नव रूप मैया Nav Durga Nav Roop Maiya Lyrics Deepak Nirmalkar - CG Jasgeet
- गीत :- नव दुर्गा नवरूप मैया
- स्वर :- दीपक निर्मलकर
- गीतकार :- चन्दन कश्यप सारथी
- संगीत - गौतम गुरु जी
- लेबल :- सीके क्रिएटिव वीडियो
नौ दुर्गा नौ रूप मईया, मोर मन ल भाए हे...,
चैत कुवार म पुजा होथे सबझन तोला मनाए ओ।
अंतरा 1
नौ दिन बर नवरात म दाई नौ रूप धर के आए हे।
नौ दिन बर दाई सगा बरोबर मोर अंगना घर आए हे।।
नौ दिन ले मोर दुर्गा दयाली मौली मया के फुलवारी हे।
नौ दिन के जग जोत रूप मे करे अंजोर अंधीयारी हे
नौ दिन रतिहा अंगना बिराजे मोर मन ल भाए हे..,
चैत कुवार म पुजा होथे जन तोला मनाए हे।
अंतरा 2
नौ दुर्गा नौ रूप मईया नईया पार कराए हे...
नौ रूप के पुजा ह सुघर परब नवरात कहाए है।
नौ रूप नौ खण्ड म हाबय नवघा भक्ति गनाए हे.,
नौ अंक हर ब्रम्ह कहाए सबला मुक्ति दिलाए हे।
नवरस नवलय सुरताल मोर मन न भाए हे
चैत कुवार म पुजा होथे जन तोला मनाए हे
अंतरा 3
नौ दिन जगमग जोत जंवारा लहर लहर लहराए हे
नौ दिन के तिहार दाई संत समाज सकलाए हे।।
नौ दिन दाई सरग बरोबर ये धरती ह जनाए हे
नौ दिन ले तोर सेवा ल करके सबो दुख पिरा भुलाए हे
नौ दिन रात तोर सेवा ल गाए मोर मन ल भाए हे
चैत कुवार म पुजा होथे जन तोला मनाए हे।
मॉ दुर्गा नौ रूप माता मोर मन ल भाए हे.....
चैत कुवार म पुजा होथे जन तोला मनाए हे
