Leela dhari Aise Leela Dekhaye Lyrics
✴️Dukalu Yadav Holi Geet Lyrics ✴️
- गीत - लीला धारी अईसे लीला देखाए
- स्वर - दुकालू यादव
- गीतकार - दुकालू यादव
- संगीतकार - दुकालू यादव
- एल्बम - गदर मताही कन्हैया
- छत्तीसगढ़ी होली गीत
- लेबल - केके कैसेट
स्थायी
लीला धारी अईसे लीला देखाए
कोनो समझ नई पाए
लीला धारी अईसे लीला देखाए
कोनो समझ नई पाए
हो लाज रखे तैं अपन भगत के
लाज रखे तैं अपन भगत के
हो देवता फूल बरसाए
देवता फूल बरसाए
अंतरा 1
सतजुग के मैं कहनी कहत हौ सुनिहौ ध्यान लगाए
हो हिरणकुश रहे राजा एक झन गरबे बरब म छाए
मोला देवता मानौ कही के सब झन ला समझाए
हो मोर सुमरनी जे हर करही ओखर दुख हा मेटाए
हो बेटा ओखर प्रहलाद हा सुग्घर
बेटा ओखर प्रहलाद हा सुग्घर
हरि के गुण ला गाए
हरि के गुण ला गाए
अंतरा 2
मोर बैरी के गुण ला गाथे मोर बेटा हा काबर
हो कतको कहेव प्रहलाद नई माने कईसे करौ अब मैं हर
हो भेजे हवै तब अपन गुरूकुल ओला विद्या पढ़े बर
हो गुरूकुल जा के सब ला सिखाए श्री हरि के मंतर
हो उल्टा पासा पर के मोर बर
उल्टा पासा पर के मोर बर
हिरणाकुश बउराए
हिरणाकुश बउराए
अंतरा 3
ओला मारे बर हिरणाकुश तब जोखा अपन मढ़ावै
हो पाहाड़ उपर ले गिरवाए हे हाथी तीर हे खुंदावै
हो खौलत तेल के कढ़ईया में धर के ओला हे डरावै
हो जहर डार के दूध में ओखर कभू ओला हे पियावै
हो ओला बचाए लक्ष्मी पति हर
ओला बचाए लक्ष्मी पति हर
भगत के दुख हा मेटाए
भगत के दुख हा मेटाए
अंतरा 4
मारे खातिर लाख जतन करेंव तब ले वो बाच जाथे
हो होलिका बहिनी तब आ के ओखर रस्ता बताथे
तेखर पाछु लकड़ी के ओमन चिता ला रचवाथे
चिता बिच प्रहलाद ला तब कोरा म बईठाथे
हो करिस हरि लीला तब सुग्घर
करिस हरि लीला तब सुग्घर
मरगे होलिका लेसाए
मरगे होलिका लेसाए
अंतरा 5
एखरे सेती फागुन महिना होरी सबो झन जराथन
हो होरी जरा के बैरा भूला के अबीर गुलाल उड़ाथन
हो आनी बानी रंग ला धर के रंगथन सबो ला रंगाथन
हो मया पिरीत के लामें हे डोरी तेमा सबो झन बंधाथन
हो आ तहू रंग दे पिचका भर भर
आ तहू रंग दे पिचका भर भर
प्रेम कहां तैं लुकाए
प्रेम कहां तैं लुकाए
हो लाज रखे तैं अपन भगत के
लाज रखे तैं अपन भगत के
हो देवता फूल बरसाए
देवता फूल बरसाए
लीला धारी हो............ हो........
लीला धारी
