GHUCHAPALI KE CHANDI DAI WO LYRICS
JAS GEET LYRICS
- गीत - घूचापाली के चण्डी दाई वो
- स्वर - दुकालू यादव
- गीतकार - दुकालू यादव
- संगीत - दुकालू यादव
- प्रकार - छत्तीसगढ़ी जस गीत
- लेबल - केके कैसेट
छत्तीसगढ़ के पावन भुईया म
बसे हे घुचापाली जिहां बिराजे चण्डी मैया
सब के करे रखवाली
डोंगरी पहाड़ी जंगल झाड़ी
देखत म निक लागे
धन्य धन्य हे चण्डी दाई
तोर दर्शन भक्तन पागे
तोर दर्शन भक्तन पागे
स्थायी
घुचापाली के चंडी दाई वो
मया बरसाए माता रानी वो
तैं शक्ति के अवतारी बघवा के करे सवारी
तैं शक्ति के अवतारी बघवा के करे सवारी
सउहत बईठे हस माँ भवानी वो
मया बरसाए माता रानी वो
अंतरा 1
घूचापाली के डोंगरी म माता तोर अस्थान वो
घूचापाली के डोंगरी म माता तोर अस्थान वो
बघवा भालू तोर गुण गाए गाए लईका सियान वो
तोर रूप दिखे बिकराली हे माता खप्पर वाली
तोर रूप दिखे बिकराली हे माता खप्पर वाली
डीही डोंगरी के तैं सियानी वो
मया बरसाए माता रानी वो
अंतरा 2
गढ़ खल्लारी बागबहारा महासमुंद तोर गांव वो
गढ़ खल्लारी बागबहारा महासमुंद तोर गांव वो
तोर कोरा म घूचापाली जिहा गढ़े तोर पाँव वो
तोर बहिनी माँ खल्लारी तोर नानपन के संगवारी
तोर बहिनी माँ खल्लारी तोर नानपन के संगवारी
अजब हावै तुंहर कहानी वो
मया बरसाए माता रानी वो
अंतरा 3
रिगबिग रिगबिग ज्योति बरथे जब आथे नवराती वो
रिगबिग रिगबिग ज्योति बरथे जब आथे नवराती वो
बाना भाला मड़ई बैरग लगथे चारो कोती वो
तोर पूजा म जे आथे वो बिन मांगे पा जाथे
तोर पूजा म जे आथे वो बिन मांगे पा जाथे
कईथे कोसरिया अज्ञानी वो
मया बरसाए माता रानी वो
तैं शक्ति के अवतारी बघवा के करे सवारी
तैं शक्ति के अवतारी बघवा के करे सवारी
सउहत बईठे हस माँ भवानी वो
मया बरसाए माता रानी वो
