एक तेल चघे तोला (तेल हरदी)
- गीत - एक तेल चघे तोला (तेल हरदी)
- स्वर - शैल किरण
- एल्बम - जोरन
- प्रकार - छत्तीसगढ़ी विवाह गीत
- लेबल - केके कैसेट
स्थायी
एक तेल चघे तोला, ददा के परसादे
ददा के परसादे
दुई तेल दाई के दुलार अगा बेटा मोर
दुई तेल दाई के तेल
तीन तेल तिरिया के रखबे मरजादे
छुटबे दुधन के उधार अगा बेटा मोर
छुटबे दुधन के उधार
पांच तेल चघे तोला पति परमेश्वर के
पति परमेश्वर के
छठे तेल करम लिलार अवो बेटी मोर
छठे तेल करम लिलार
सात तेल चघे तोला होवै सतवंतिन
करबे तैं कुल उजियार
अवो बेटी मोर करबे तैं कुल उजियार
अवो बेटी मोर करबे तैं कुल उजियार
हरदी चुपर डारे (हरदाही) - महादेव हिरवानी, मोना सेन
लड़का
हरदी चुपर डारे रंग सिंचवाए
नोनी रंग सिंचवाए, पातर कनिहा के
पातर कनिहा के नोनी गबज इतराए
पातर कनिहा के
पातर कनिहा के नोनी गबज इतराए
पातर कनिहा के
लड़की
धर तो मेछर्रा ला बड़ मटकाए
टूरा बड़ मटकाए, जीरा धनिया के
हां जीरा धनिया के फोरन गजब गुंगवाए
जीरा धनिया के
हां जीरा धनिया के फोरन गजब गुंगवाए
जीरा धनिया के
लड़का
ये समधिन ये समधिर बड़ा मेछराए
नोनी बड़ा मेछराए पातर कनिहा के
पातर कनिहा के नोनी बिहावे ल सधाए
पातर कनिहा के
पातर कनिहा के नोनी बिहावे ल सधाए
पातर कनिहा के
लड़की
बिलवा भकमुड़वा हा नई तो सुहाए
टूरा नई तो सुहाए जीरा धनिया के
हां जीरा धनिया के फोरन गजब गुंगवाए
जीरा धनिया के
हां जीरा धनिया के फोरन गजब गुंगवाए
जीरा धनिया के
