कोन तोर चढ़ावय नोनी
छत्तीसगढ़ी बिहाव गीत
Kon Tor Chadhavai Noni Lyrics
छत्तीसगढ़ी बिहाव गीत
Kon Tor Chadhavai Noni Lyrics
- गीत - कोन तोर चढ़ावय नोनी
- स्वर - छाया चन्द्राकर
- एल्बम - मायन
- प्रकार - छत्तीसगढ़ी बिहाव गीत
- लेबल - केके कैसेट
स्थायी
कोन तोर चढ़ावै नोनी एक तेल हरदी
एक तेल हरदी बने
कोन तोरे दुई तेल चढ़ाए के पिवरी रंगाए
के कोन मुड़ अचरा धरे
फूफू तोर चढ़ावै नोनी एक तेल हरदी
एक तेल हरदी बने
दीदी तोर दुई तेल चढ़ाए के पिवरी रंगाए
दाई मुड़ अचरा धरे
अंतरा 1
कोन तोरे लानै दुलरू पटना के हरदी
पटना के हरदी बने
कोन तोरे सिगही चढ़ाए चंदन रूप आए
काखर घर मड़वा गड़े
ददा तोर लानै नोनी पटना के हरदी
पटना के हरदी बने
दाई तोर सिगही चढ़ाए चंदन रूप आए
सजन घर मड़वा गड़े
अंतरा 2
कोन तोर चघावै नोनी पांच तेल हरदी
पांच तेल हरदी बने
कोन तोर सात तेल चघाए के पिवरी रंगाए
कोन खड़े आशीष धरे
भौजी तोर चघावै नोनी पांच तेल हरदी
पांच तेल हरदी बने
मोसी तोर सात तेल चघाए के पिवरी रंगाए
के बूढ़ी दाई आशीष धरे
मोसी तोर सात तेल चघाए के पिवरी रंगाए
के बूढ़ी दाई आशीष धरे
