टिकावन
CG BIHAV GEET LYRICS
CG BIHAV GEET LYRICS
- गीत - टिकावन
- स्वर - शैल किरण, दुकालू यादव, मोना सेन
- गीतकार - गिरिवर दास मानिकपुरी
- संगीतकार - उत्तम तिवारी
- एल्बम - टिकावन
- प्रकार - छत्तीसगढ़ी बिहाव गीत
- लेबल - केके कैसेट
स्थायी
होगे होगे टिकावन के बेरिया
बेटी हमर जाही पिया के नगरिया हो
होगे होगे टिकावन के बेरिया
बेटी हमर जाही पिया के नगरिया हो
अंतरा 1
का तोला टिकौ बेटी सोना चांदी
रूपिया हो सोना चांदी रूपिया
तैं मोर हीरा बेटी माटी सरी दुनिया वो
माटी सरी दुनिया
हावै आशीष वो नोनी तोरे दाई ददा के
करै तोला मया बड़ ससुरे अउ
सास ननंदिया वो
होगे होगे टिकावन के बेरिया
बेटी हमर जाही पिया के नगरिया हो
अंतरा 2
का तोला टिकौ बहिनी महल अटरिया हो
चंदन के पलना
सुरता देवाही बहिनी खेलेन कुदेन अंगना
तोर राखी के बंधना
झन गड़ै काटा बहिनी कभू तोर गोड़ म
पावै आशीष वो बहिनी
जगमग राहै घर दुवरिया हो
होगे होगे टिकावन के बेरिया
बेटी हमर जाही पिया के नगरिया हो
बेटी हमर जाही पिया के नगरिया हो
