- गीत : मावलिया
- गायक : दुकालू यादव
- गीतकार : एम के कुर्रे
- संगीतकार : दुकालू यादव
- लेबल : सुन्दरानी
ये हो कौने दिन तोर दुर्गा अनमन जनमन हो
मोरे मावलिया हो मावलिया
ये हो कौने दिन लिये अवतार
महामाय मावलिया
ये हो चईत महिना तोरे अनमन जनमन हो
मोरे मावलिया हो मावलिया
ये हो आठे के लिए अवतार
महामाय मावलिया
ये हो धरती में जनमे एक महिसासुर दानव हो
मोरे मावलिया हो मावलिया
ये हो देवता भये हे उदास
महामाय मावलिया
ये हो ब्रम्हा जी भागे ब्रम्हपुर ओ
मोरे मावलिया हो मावलिया
ये हो शिव जी भागे हे कैलाश
महामाय मावलिया
ये हो नंदी में चढ़ के महादेव भागे
मोरे मावलिया हो मावलिया
ये हो गरूड़ में चढ़ के गोपाल
महामाय मावलिया
ये हो सब देवतन मिल एक मत होके हो
मोरे मावलिया हो मावलिया
ये हो चले हे भवानी के पास
महामाय मावलिया
ये हो निंद भरे माता मोर कोन जगाये हो
मोरे मावलिया हो मावलिया
ये हो काकर दियरा उबार
महामाय मावलिया
ये हो निंद भरे माता मोरे लंगुरे जगाये हो
मोरे मावलिया हो मावलिया
ये हो हनुमत दियरा उबार
महामाय मावलिया
ये हो हनुमत दियरा उबार
महामाय मावलिया