✴️ Maya Ke Sughghar Geet Gabo ✴️
🌿 CG Karma Song Lyrics 🌿
- गीत – मया के सुघ्घर गीत गाबो
- स्वर – सुभाष पाटिल, चंपा निषाद
- गीतकार – सुभाष पाटिल
- संगीत – परवेज खान
- लेबल – सुन्दरानी
स्थायी
आमा के डारा चिरईया बोले वो
आमा के डारा चिरईया बोले वो
मन के तोर भेद तोरे नैना खोले वो
तोर माथ के बिंदीया लाली
तोरे कान के सोनहा बाली मन ल मोही डारे वो
झरना के पानी हा हिलोर मारे गा
झरना के पानी हा हिलोर मारे गा
झूल झूल रेंगना तोरे जादू डारे गा
अंतस म तोर नाम लिखाए
दिल म तैंहा मोर समाए
जिनगी तोर होगे ना
मोर मयारू मोर हीरा जिनगी तोर होगे ना
अंतरा 1
मया के बंधना झन छुटै गोरी वो
मया के बंधना झन छुटै गोरी वो
पिरीत के डोरी झन छुटै गोरी वो
तोर कोयली जईसन बोली
तोर हांसी अउ ठिठोली
मन ल मोही डारे वो
मोर संगी मोर जोड़ी
जिनगी तोर होगे नो
तैं मोर जिनगी के आधार सजना
तैं मोर जिनगी के आधार सजना
तही मोरे मितवा तही दिलदार सजना
जब ले तोर मया ला पायेंव
मन मंदिर म तोला बसायेंव
जग अंजोर होगे ना
मोर मयारू मोर हीरा
जिनगी तोर होगे ना
आजा मया के सुघ्घर गीत गाबो वो
आजा मया के सुघ्घर गीत गाबो वो
सुख दुख म संगी संग जिनगी पहाबो गा
चाहे बैरी हाए जमाना
तोला वादा परही निभाना
किरिया मोर लेले ना
मोरे संगी मोरे जोड़ी
जिनगी तोर होगे ना
आमा के डारा ले चिरईया बोले वो
आमा के डारा ले चिरईया बोले वो
मन के तोर भेद तोरे नैना खोले वो
मोरे माथ के बिंदीया लाली
तोरे कान के सोनहा बाली
मन ल मोही डारे वो
मोरे संगी मोरे जोड़ी
जिनगी तोर होगे ना
झरना के पानी हा हिलोर मारे गा
झरना के पानी हा हिलोर मारे गा
झूल झूल रेंगना तोरे जादू डारे गा
अंतस म तोर नाम लिखाए
दिल म तैंहा मोर समाए
जिनगी तोर होगे ना
मोर मयारू मोर हीरा जिनगी तोर होगे ना
मोर संगी मोरे जोड़ी जिनगी तोर होगे ना
मोर मयारू मोर हीरा जिनगी तोर होगे ना