तोर गठरी ला बांध ले दाई
Tor Gathri La Bandh Le Dai
🌷Dukalu Yadav Jas Geet 🌷
- गीत : तोर गठरी ला बांध ले दाई
- गायक : दुकालू यादव
- गीतकार : प्रेम उस्ताद
- संगीतकार : दुकालू यादव
- लेबल : केके कैसेट
स्थायी
तोर गठरी ला बांध ले दाई
अब हो गे जाऐ के बेरा
तोर गठरी ला बांध ले दाई
अब हो गे जाऐ के बेरा
यहो दया मया के हो
दया मया के सुरता कर के
अऊ आबे मोर डेरा
अऊ आबे मोर डेरा
अंतरा 1
मोर बर दुर्गा मोर बर लछमी मोर बर शीतला माई ओ
मोर बर दुर्गा मोर बर लछमी मोर बर शीतला माई ओ
यहो मोर बर गौरी मोर बर सीता मोर बर बिमला दाई ओ
यहो मोर बर गौरी मोर बर सीता मोर बर बिमला दाई ओ
यहो जनम जनम के हो
जनम जनम के हो जियत मरत के
बांधे मया के डोरा
बांधे मया के डोरा
अंतरा 2
यहो दया के सुरती मया के मूर्ति नौ दिन ले तै बिराजे ओ
यहो दया के सुरती मया के मूर्ति नौ दिन ले तै बिराजे ओ
यहो जगमग जोगनी जग बर मोहनी तीनो लोक तोर राजे ओ
यहो जगमग जोगनी जग बर मोहनी तीनो लोक तोर राजे ओ
यहो दुर्गा दुलौरिन हो
दुर्गा दुलौरिन आये नव दिन
सब के हरे दुख पीरा
सब के हरे दुख पीरा
अंतरा 3
सब ला रोवाथे तोर बिदाई हे दुर्गा महामाई ओ
यहो सब ला रोवाथे तोर बिदाई हे दुर्गा महामाई ओ
यहो आंखी ले आंसू तर तर निकले भारी लागे करलाई ओ
यहो आंखी ले आंसू तर तर निकले भारी लागे करलाई ओ
यहो टिकली फूंदरी हो
टिकली फूंदरी लुगरा चुनरी
जोरेव मैं हर जोरा
जोरेव मैं हर जोरा
अंतरा 4
जाये बर तै जाथस दाई आशीष दे के जाबे ओ
यहो जाये बर तै जाथस दाई आशीष दे के जाबे ओ
यहो नान्हे नान्हे तोर बरवा हन कोन्हो ला झन तैं भूलाबे ओ
यहो नान्हे नान्हे तोर बरवा हन कोन्हो ला झन तैं भूलाबे ओ
यहो प्रेम कोसरिया हो
प्रेम कोसरिया परत हे पईया
जा के ओ तोर कोरा
जा के ओ तोर कोरा
यहो दया मया के हो
दया मया के सुरता कर के
अऊ आबे मोर डेरा
अऊ आबे मोर डेरा